ХV­ХVIII ғасыр жырауларының поэтикалық мәтіндеріндегі эпитет қызметі

Аңдатпа

Мақала жыраулардың поэтикалық мәтінінің аса маңызды көркем- дік-стилистикалық әрекет ету заңдылықтарын ашып көрсетеді. Сөзді мәнерлі әрі бейнелі етудің негізгі құралы ретінде, барлық поэтика- лық жүйе тізбелерінің қатарында басты көркемсөз құралдарының бірі ретінде эпитет талдау объектісі болып табылады. Эпитеттің көп әрекеттілігі мен тиімділігі филология ғылымына жақсы мәлім. Ал біз аталмыш мақалада осы көркемсөз құралының ауызша стиль техника- сының әрекет етуі тұрғысынан тікелей көркемсөз-тілдік коммуника- цияда, яғни қазақ жырауларының шығармашылығында практикалық қолданылуын анықтау міндетін қоямыз. Бұл жерде осы эпикалық құ- ралдың мүмкіндіктері барынша ашып көрсетіледі.