Таңғы көңілашар бағдарламалардағы сұхбат жанрының кәсіби деңгейі мен заманауи аудиториясы

Аңдатпа

Түйіндеме: Мақаланы жазуға таңғы көңілашар бағдарламалардағы сұхбат жанрының кәсіби деңгейі мен мақсаттық аудиториясын зерттеу арқылы бұл жанрдың БАҚ пен халық арасындағы айрықша қарым-қатынас тәсілі ретіндегі функциясын анықтау идеясы себеп болды.

Зерттеудің мақсаты - отандық  медиакеңістіктегі, атап айтқанда, ұлттық телевизиядағы, сондай-ақ, ғаламтор желісіндегі сұхбат жанрының кәсіби деңгейі мен мақсаттық аудиториясына, заманауи еркін сұхбат пен дәстүрлі сұхбат арасындағы айырмашылықтар мен ұқсастықтарға   талдау жасау.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                         

Жұмыстың ғылыми және практикалық маңыздылығы сұхбат жанрының ақпарат ғасырындағы айрықша сипатына баға беріп,  телесұхбат жанрындағы трансформация мен модернизация, заманауи телесұхбат технологиясы,   қазіргі таңдағы қолданыс аясы, соның ішінде таңғы көңілашар бағдарламалардағы сұхбаттың тікелей эфир кезіндегі жүгеге асу барысы, мақсаттық аудиториямен кері байланыстың ақпараттық қызметі мен мотивациялық  ізгі әсері, соған сәйкес таңғы көңілашар  бағдарламалардың рейтингтік көрсеткіші мен онлайн-сұхбаттардың қаралым деңгейі жайлы баяндауында.

Зерттеу әдістемесі бойынша баяндау, шолу, салыстыру, дәйектеу,  талдау, жүйелеу, сипаттау, топтастыру, қорытынды жасау әдістері пайдаланылды.

Ғылыми зерттеудің негізгі нәтижелері осыған дейін сұхбат жанрын зерттеген ғалымдардың пікірлеріне сүйеніп, сұхбат жанрының даму тенденцияларында пайда болған сұхбаттың түрлері мен пішіндерін топтастырып, жүйелеу арқылы нешізделген  тұжырымдар мен сұхбат алушылардың кәсіби имиджіне, сұхбат жанры аясындағы типтік кемшіліктерге жасалған талдаулардан көрініс тапты.

Зерттеу жұмысының маңыздылығы  сұхбат жанрының  бүгінші күнге дейін зерттелмеген  жаңа бағыттары мен қазіргі таңдағы қолданыс аясын арнайы қарастырып, ғылыми-теориялық негізде жүйелегендігінде.

Жұмыс қорытындысының практикалық маңыздылығы  сұхбат жанрын кәсіби қызмет аясында қолданатын  журналистер мен журналистика мамандығын даярлайтын жоғары оқу орнында сабақ беретін оқытушылар үшін көмекші құрал есебіндегі ғылыми еңбек болып табылады.

Кілт сөздер: диалог-сұхбат,  монолог-сұхбат, заманауи телесұхбат технологиясы,   телесұхбаттың мақсаттық аудиториясы,  телесұхбат жанрындағы трансформация мен модернизация