Саяси дискурс мәселелері: саяси коммуникация және саяси дискурс

Аннотация

Мақалада саяси коммуникация, саяси дискурс мәселелеріне түсінік беріліп, олардың анықтамалары ашылады. Саяси коммуникацияның қатысушылары саяси партиялар мен институттардың өкілдері болып табылады. Сондықтан саяси қарым­қатынас үнемі идеологиялық си­ патта болады. Ал саяси дискурстың қатысушылары адресант пен адресат. Саяси дискурстың өзі институционалды дискурс ретінде оған белгілі бір интенция, коммуниканттардың статустық­рөлдік ерек­ шелігі, өзгергіштігі тән. Саяси дискурс билік үшін күрестегі құрал ретінде қолданылады. Саясат тілінің сегіз бірдей қызметі талқыланды. Саяси оқиғалардың бақылаушысы болып табылатын адресат (халық) саяси коммуникацияның ерекшелігін айқындайды. Саяси коммуни­ кация мен саяси дискурста бұқаралық ақпарат құралдарының рөлі де айрықша. Саяси дискурстың негізгі ерекшеліктері оның баға­ лауыштық және агрессивтік қасиетімен, мақсатымен және өзіндік аргументациясымен анықталды. Саяси дискурс қоғамдағы идеология­ лық парадигмалармен өзара байланысты болуымен, сонымен қатар қоғамдық санаға жаңа құндылықтарды таратуымен ерекшеленеді.