ЖИ дәуіріндегі медиамәтіндердегі авторлық және сенім

Аңдатпа

Цифрландыру жағдайында медиасредада авторлық институтына деген көзқарас өзгеруде. Адам мен жасанды интеллект (ЖИ) арқылы мәтін жасау мүмкіндіктерінің кеңеюі аудитория та-рапынан сенім дағдарысын туындатады. Зерттеуде осындай материалдарға деген сенімді қа-лыптастыратын факторлар қарастырылады және ЖИ дәуірінде аудиторияның медиаконтенттің сенімділігін қалай бағалайтыны талданады.

Зерттеудің мақсаты – медиамәтіндердегі авторлықтың рөлін және сенімнің негізгі крите-рийлерін анықтау, сондай-ақ қазіргі аудиторияның мұндай мәтіндерді қабылдау ерекшеліктерін талдау.

Зерттеудің эмпирикалық бөлігінде сандық және сапалық әдістер қолданылды. Лайкерт шка-ласына негізделген онлайн-сауалнама анонимді түрде жүргізілді. Респонденттерге авторы мен жарияланған платформасы көрсетілмеген екі мәтінді бағалау ұсынылды. Сапалық кезеңде ака-демиялық орта өкілдерімен (магистранттар мен докторанттар) және медиа мен PR саласының практик-мамандарымен тереңдетілген сұхбаттар жүргізілді.

Нәтижелер аудиторияның адам жасаған және ЖИ көмегімен жасалған мәтіндерді әрдайым сенімді түрде ажырата бермейтінін көрсетті. Сенім мәтіннің айқындығы мен табиғилығына, сон-дай-ақ дереккөздің ашықтығына және автордың мазмұн үшін жауапкершілігіне байланысты қа-лыптасады. Жасанды интеллект контент жасау барысында көмекші ретінде қабылдануда, алайда әлеуметтік маңызы бар тақырыптарда автордың рөлі мен кәсіби жауапкершілігі сақталады.

Аудиторияның ЖИ-контентке деген көзқарасы біртіндеп өзгеруде – сақтықтан неғұрлым теңгерімді және талғамды бағалауға қарай.