Азаматтық журналистикадағы стикер өнерінің жаңа мәні: жастардың көрнекі және наразылық тілі
DOI:
https://doi.org/10.26577/HJ202575102Кілттік сөздер:
Стикер өнері, медиа коммуникациялар, журналистік хабарлама, азаматтық журналистика, визуалды журналистика, графикалық коммуникация.Аннотация
Sticker art – бұл Қазақстанда аз зерттелген және дамымаған графикалық коммуникация мен азаматтық журналистика саласының бірі. Журналистиканың бұл түрі, саяси ауқымға сай құрылатындықтан, онда әлеуметтік сын, инновация, қалалық ландшафт тілі ретінде сұранысқа ие. Дәстүрлі, ұлттық, эстетикалық, заманауи талаптармен байланысты, бірегейлікті, инклюзивтілік пен шығармашылықты алға тартатын дүниеге кереағар оның қолданыс мәнері еркін, оппозициялық, арандатушылық, саясаттан тыс бағытта болғандықтан, табиғаты street art-ке жақын болып келеді. Сонымен қатар, sticker art журналистік коммуникация түрі ретінде таңбалар, метафоралар және көрнекі бейнелер арқылы өзекті ақпаратты жеткізе алады.
Зерттеудің мақсаты – sticker art-ті street art, графикалық коммуникация және журналистік хабарландыру феномені Қазақстандағы sticker art-тің әлеуетін және оның келешегін талдау. Зерттеудің негізгі бағыттары: визуалды коммуникация және журналистік хабарландыру құралы ретінде sticker art-ті талдау; sticker art-тің әлеуметтік, саяси және экологиялық мәселелерді көрсетудегі рөлін анықтау; sticker art-ті жас аудиторияның қалай қабылдайтынын зерттеу.
Жұмыстың ғылыми маңыздылығы sticker art-ті өнер мен азаматтық журналистика элементтерін біріктіретін медиа коммуникация және мәдени феномен ретінде зерттеуде жатыр. Тәжірибелік маңыздылығы – Қазақстанда sticker art-ті танымал ету үшін зерттеу нәтижелерін пайдалануда, sticker art-ті қалалық және медиа-жобаларға біріктіруде, сондай-ақ sticker art-ті медиа құралы ретінде қолдану стратегияларын әзірлеуде, сонымен қатар стикерлер арқылы аудиторияның назарын әлеуметтік маңызды мәселелерге аударуда жатыр.
Зерттеу әдістемесі ретінде стикерлер типологиясы талданып, студенттерден сауалнама, сарапшылардан сұхбаттар алынды. Бұл Қазақстандағы sticker art-тің ерекшеліктерін, сондай-ақ оның әлеуеті мен келешегін БАҚ және азаматтық журналистиканы коммуникация құралы ретінде анықтауға көмектеседі.
Зерттеудің құндылығы мынада: sticker art-тің азаматтық журналистика құралы ретіндегі рөлі алғаш рет қарастырылып, sticker art туралы түсінік өнер түрінен азаматтық журналистикадағы медиа коммуникациядағы орны айқындалды.
