Қазақстан блогосферасындағы медиа дискурсының коммуникативті стратегиялары: қоғам мен биліктің диалогы
DOI:
https://doi.org/10.26577/HJ2025751011Кілттік сөздер:
медиадискурс, қазақстандық блогосфера, цифрлық әңгіме, әлеуметтік медиа, билік, қоғам.Аннотация
Мақала қазақстандық блогосферасындағы коммуникациялық стратегияларды генерациялау феноменіне арналған. Әлеуметтік желілердегі коммуникацияның құрылымдық процесі, оның ішінде семиотикалық мағыналар мен когнитивтік жоспарлар үкімет пен қоғам арасындағы ақпарат алмасу процесін ерекше түрде оңтайландырады. Зерттеудің мақсаты — цифрлық әңгіменің коммуникативті медиадискурсында қолданылатын стратегиялар мен әлеуметтік контексттерді анықтау және сипаттау.
«Фейсбук» әлеуметтік желісіндегі мәтіндерді талдау, лингвистика және авторлық блогтардың стилін саралау негізінде аудиториямен жағымды коммуникация орнату мақсатында әлеуметтік желілердегі ресми аккаунттарды пайдаланатын мемлекеттік қызметкерлердің (шенеуніктердің, баспасөз қызметі басшыларының және т.б.) сөйлеу әрекетінің негізгі сипаттамалары тұжырымдалған. Коммуникаторлардың міндеттері мен ниеттері арқылы қалыптасқан коммуникация тактикасының алгоритмі мен сапалық сипаттамаларын зерттеу коммуникацияны басқару механизмдерінің жүйелік көрсеткіштерін оқшаулауға мүмкіндік береді. Тактикалық шешімдердің тиімділігі мен басқарылуы да коммуникация тактикасының нақты жоспарын таңдаудың маңызды құрамдас бөлігі ретінде қарастырылуы мүмкін. Автор өз назарын коммуникациялық стратегияларды жүзеге асыруға әсер ететін құралдарға аударды. Олар: мәтіндік файлдар, фотосуреттер, аудио және бейне жазбалар, медиа мәтіндердің семантикалық және лингвостилистикалық талдау.
Зерттеудің ғылыми маңыздылығы цифрлық әңгімедегі әлеуметтік рөлдердің жаңа стратегияларын, мотивтерін және кейіпкерлерін анықтау және сипаттау мүмкіндігінде жатыр. Мақалада мемлекет пен қоғамның өзара әрекеттесу жүйесіндегі қоғамдық коммуникация жағдайлары зерттеледі. Практикалық маңыздылық қоғаммен тиімді қарым-қатынас құрудың саяси өзекті кезеңдерінде мемлекеттік органдар өкілдерінің цифрлық коммуникациясының жаңа әдістерін сипаттауда, қоғамдық пікірді модернизациялау және онымен өзара әрекеттесу салдарын анықтауда көррініс табады. Сонымен қатар, автор виртуалды байланыс нысаны ретінде цифрлық форматта сөйлесу жүйесінің көп арналылығы туралы қорытындыға келеді; мемлекет пен қоғам арасындағы цифрлық коммуникация дискурсында демократия белгілерінің болуы туралы жеткізеді.
