YouTube платформасында бейнеблог жасау технологиясы: бейнехостинг жаңа медиа өкілі ретінде

Аннотация

Жаһандық ақпараттық үдерістер БАҚ кеңістігінің заманауи әлеуметтенуіне әкелуде. Мультимедиа және айрықша визуализация - жаңа медианың басты ерекшелігі. Бұған бүгінгі таңдаңдағы ең танымал бейнеплатформа YouTube кіреді.

Зерттеудің негізгі мақсаты – сапалы бейне мазмұнын құрудың ерекшеліктерін сипаттау, оның негізгі белгілерін анықтау және сәтті YouTube арнаны жүргізу үшін практикалық ұсыныстар жасау.

Зерттеу үшін авторлар эмпирикалық әдістерді қолданды, атап айтқанда салыстыру, бақылау және мазмұнды талдау және теориялық: талдау және синтез әдісі; зерттеу мен болжаудың субстанциялық әдісі. Бұл әдістер өзекті бейне мазмұнын дайындаудың негізгі тенденцияларын және коммуникацияның жаңа форматтарының қазіргі медиа нарықтың құрылымына әсерін зерттеуге мүмкіндік берді.

Мақалада бейнехостингті заманауи медианың бір түрі ретінде қарастыруға мүмкіндік беретін негізгі принциптер қарастырылады. Бұған блогосферада қолданылатын жаңа медиа қызметін жоғары деңгейге жеткізетін кәсіби журналистиканың принциптері, функциялары мен технологияларының болуы жағдайында назар аударуы керек.

Зерттеу нәтижелері: қазақстандық өнімдердің мысалында отандық ақпараттық өрісті қалыптастыруға мүмкіндік беретін сұранысқа ие YouTube-материалдарды дайындау критерийлері талданды және бұл үшін кәсіби журналистиканың қандай тәсілдерін қолдану қажеттігі туралы қорытындылар жасалды.

Мақаланың ғылыми маңыздылығы кәсіби журналистиканың принциптері, технологиялары мен жаңа медианың өзара әрекеттесуінің мақсатты мүмкіндіктері туралы дискурсты жаңартуда, оларды жүзеге асырудың практикалық әдістерін тартуда жатыр.  Зерттеу нәтижесі бейнеконтентке сұранысты арттыруды жүйелеуді ұсынады. Бұл ғылыми мақаланың практикалық маңыздылығын да көрсетеді.

Бұл жұмыс журналистиканың кәсіби тәсілдері мен функцияларының маңыздылығын жоғалтпай, бейнеблогты ілгерілету көрсеткіштерін зерттеуге айтарлықтай үлес қосады. Мақалада келтірілген YouTube арнасымен жұмыс істеудің жүйеленген санаттары сапалы бейнеөнім дайындауға ғана емес, оны монетизациялау мәселелеріне де жүгінуге жол ашады. Бұл санаттар бейнехостингте өз әлеуетін іске асырғысы келетін жаңалықтар мен басқа да бұқаралық ақпарат құралдарының сәтті жұмыс істеуі үшін пайдаланылуы мүмкін, сонымен қатар жас ғалымдарға жаңа медиа технологияларының тақырыбын тереңірек зерттеуге мүмкіндік береді.